BERTAKO ANIMALIA BASATIAK
KIRIKIÑO PROIEKTUA
Kirikiñoa animalia txikia da eta hainbat
eragilek mehatxatzen eta arriskuan
jarri dute haren biziraupena. Errepidean,
sarritan ikusi ohi ditugu animaliatxo horiek
bide bazterrean, auto batek azpian harrapatuta.
Pasa den udaberrian, horrelako sei kume bilatu genituen
zulotxo batean, eta haien ama hilik errepide-bazterrean.
Ahalegin handiak egin genituen haien biziak salbatzeko,
eta hementxe dituzue.
Orain aske bizi dira.
Duela egun gutxi, kirikiño bat pisatu genuen,
izugarri atsegin duen arrautza egosiaren usainaren
atzetik etorri zena; dagoeneko 1,100 kiloko pisua du!
Espero dugu datorren udaberrian bailarako kirikiñoen
populazioa areagotzea, eta bidenabar, kirikiñoek
uztarako hain kaltegarriak diren ortuko
intsektu eta zizareak jan eta garbi-garbi uztea!
ARRISKU-ERAGILEAK
- Errepidean autoek azpian harrapatzea
- Kanpoko espezieak bertara ekartzea (maskotak),
eta horrek hibridatzeko arriskua eragitea.
-
Elikagaiak murriztea: kirikiñoen populazioak
baliabide eta elikagai gutxiago ditu ingurunean.
- Era berean, haien habitata izugarri aldatu eta hondatu da.
